Dy avionë luftarakë gjurmues apo siç njihen në Europë, Eurofajters të forcave Ajrore italiane kanë gjurmuar në 24 orët e fundit dy avionë spiunazhi rusë model IL-20 në Detin Baltik. Avionët italianë, sic shkruajnë mediat atje janë me detyrë në bazën polake në Malbork, ndërsa raportuan për të paktën dy raste të tjera të avionëve spiunë rusë që shkelin paautorizim hapësirën ajrore të NATO-s. Mediat italiane, thonë se informacionet i ka konfirmuar ministria e Mbrojtës, duke shtuar se me të marrë njoftimin Qendra e Komandës dhe Kontrollit të Operacioneve Ajrore të NATO-s me qendër në Uedem të Gjermanisë ka ngritur alarmin për të përgjuar një avion të paidentifikuar mëngjeset e 28 dhe 29 marsit. Eurofighters avionët gjurmues, të cilët janë prodhuar me bashkëpunimin e Gjermanisë, Italisë, Spanjës dhe Mbretërisë së Bashkuar pasi kanë identifikuar avionët spiunë i kanë shoqëruar ata deri sa kanë dalë nga hapësirat ajrore të NATO-s dhe janë kthyer më pas në bazën e Polonisë. Autoritetet polake e akuzuan Rusinë edhe më 24 mars për shkelje të hapësirës ajrore të Polonisë me një raketë kruz të drejtuar ndaj objektivave në Ukrainën perëndimore. Pamjet: AFP