Policia peruane ka sekuestruar 7.2 ton kokainë. Sasia rekord e lëndës narkotike sic njoftojnë autoritetet atje, do të dërgohej me anije drejt Europës. “Kemi arritur të sekuestrojmë më shumë se shtatë tonë kokainë që ishin të destinuara për në portin e Antëerpen në Belgjikë”, tha për AFP kreu i policisë portuale, kolonel Robert Trujillo. Sasia rekord e kokainës ishte kamufluar në një kontejner me pllaka druri. Ngarkesa e drogës sic tha policia peruane ishte nisur nga Boliva dhe nëse do të hidhej në treg, nga shitja e saj trafikantët do përfitonin 560 milionë dollarë. Në operacion mësohet se morën pjesë DEA, policia holandeze dhe ajo belge. Koloneli Trujillo tha ndër të tjera se ngarkesa e kokainës i përket organizatës kriminale e goditur edhe në fund të dhjetorit të vitit të kaluar në Bolivi. “Është e njëjta organizatë që donte të transferonte drogën nga Bolivia në portin e Kilit, Callao dhe Antwerp tw Belgjikws”, tha oficeri. Në vitin 2023, autoritetet peruane sekuestruan 21.5 ton kokainë dhe ndërprenë 119 rrjete kriminale të lidhura me trafikun e drogës, sipas Ministrisë së Brendshme. Peruja është një nga prodhuesit më të mëdhenj të kokainës në botë, me rreth 400 tonë në vit, sipas shifrave zyrtare. Përveç kësaj, së bashku me Bolivinë, ajo është një nga prodhuesit më të mëdhenj të gjetheve të kokës - lënda e parë për kokainën - pas Kolumbisë. Pamjet: AFP