Autoritetet spanjolle kanë mundur të zbulojnë një sasi rekord kokaine, plot 9,4 tonë e fshehur brenda kontejnerëve me banane. Policia spanjolle thotë se droga u nis nga Kolumbia, ndërsa kontejneri me banane do të shkarkohej në Spanjë dhe do të vijonte më pas rrugën drejt Portugalisë dhe vendeve të tjera të Europës. Në një deklaratë të bërë për shtyp nga Departamenti i Policisë spanjolle dhe agjencitë e doganave, njoftohet se në kontejnerët e bananeve që erdhën nga qyteti Cadiz i Kolumbisë kishte 9 tonë e 436 kilogramë kokainë. Duke informuar se kjo është sasia më e madhe e drogës e kapur deri më sot në Spanjë, autoritetet njoftuan se droga në fjalë dërgohej nga Spanja në Portugali dhe prej aty në vende të tjera të Evropës. Thuhej se në kontejnerët ku ishte vendosur droga, e cila ruhej në pako njëkilogramëshe mes bananeve, kishte mbi 30 logo dhe se organizatat kriminale synonin ta fshehin më shumë në këtë mënyrë drogën. Nuk është dhënë asnjë informacion për numrin dhe kombësinë e të ndaluarve apo të arrestuarve për shkak të vazhdimit të operacionit, sic njoftoi policia spanjolle. Pamjet: AFP