Tre shqiptarë janë duke u hetuar nga autoritetet gjermane pasi dyshohet se kanë lidhje me ngarkesën prej 240 kilogramësh kokainë që u kap pak ditë më parë në portin Kleiner Grasbrook në Hamburg. Po ashtu nën hetim janë dhe 3 maqedonas dhe 3 gjermanë. Ata mendohet se bashkëpunuan me trafikantët për sasinë e madhe të drogës pasi ishin të vetmit persona që kishin akses në kontejnerët me mallra ku ishte fshehur droga. Kjo pasi punonin në port. Për këto dyshime, autoritetet gjermane kryen të enjten kontrolle të shumta në katër shtete federale ndërsa lëshuan dhe pesë urdhëarreste, Nuk përjashtohet as mundësia që shqiptarët të jenë pjesë e grupit kriminal që porositi ngarkesën. Shumë porte europiane tashmë konsiderohen si pika nyje të trafikut të lëndëve narkotike nga vendet e Amerikës latine pasi kontrollohen nga kartelet e drogës. Dërgesat përmes kontejnerëve janë rritur gjatë viteve të fundit, ndërsa policia ka mundur të kap një pjesë të tyre, por pa mundur të shkojë tek porositësit.