Ish-drejtori i FBI-së, James Comey, u dorëzua te autoritetet të mërkurën për t'u përballur me një akuzë ku pretendohet se një postim që ai shpërndau shkurtimisht në mediat sociale përbënte kërcënim për jetën e Presidentit Donald Trump. Kjo rrjedh nga një postim në Instagram i ndarë nga Comey, i cili përmbante një foto të guaskave të detit në një plazh të rregulluara ku shkruhej "86 47". "Tetëdhjetë e gjashtë" është një term zhargon për "hiq qafe" dhe prokurorët pretendojnë se kjo inkurajon dhunën kundër Trump, presidentit të 47-të të Shtetetve të Bashkuara të Amerikës. Comey mohoi çdo shkelje, duke thënë se nuk e dinte se çfarë nënkuptonin numrat dhe akuzoi prokurorinë për motivim politik. Kjo shënon herën e dytë që departamenti i drejtësisë ka ngritur padi penale kundër Comey, një kritik i hershëm i Trump. Ai nuk u deklarua fajtor dhe as nuk foli gjatë paraqitjes së tij të shkurtër në një gjykatë të Virxhinias të mërkurën pasdite. Avokati i tij, tha se ish-drejtori do të kërkonte shkarkimin për shkak të ndjekjes penale selektive dhe hakmarrëse - duke argumentuar se ai u shënjestrua për shkak se foli kundër Trump. Prokurorët e kanë akuzuar Comey-n për kërcënim me vetëdije dhe me dashje për t’i marrë jetën – dhe për t’i shkaktuar dëmtime trupore – presidentit, si dhe për transmetim me vetëdije të një kërcënimi për ta vrarë atë në tregtinë ndërshtetërore. Çdo akuzë mbart një dënim maksimal prej 10 vitesh burg. Postimi origjinal i Comey-t nga maji 2025 përmbante një imazh të guaskave të detit në një plazh ku shkruhej "86 47", me mbishkrimin "Formacion i mrekullueshëm guaskash gjatë shëtitjes sime në plazh". I pyetur të mërkurën në lidhje me akuzat kundër Comey-t, Trump e quajti atë një "njeri të korruptuar". "Nëse dikush di diçka për krimin, ai e di çfarë kuptimi ka 86-ta," tha Trump, duke iu referuar fotos. "Është një term i mafies për ta vrarë atë."