Nga tetë kandidatë në total në Këshillin e Lartë të Prokurorisë, ishin tre prokurorët që morën më shumë pikë në fazën e intervistimit Në vend të parë u rendit prokurori Ols Dado, aktualisht i komanduar në SPAK, pas tij Anita Jella, drejtuese e Prokurorisë së Durrësit dhe I treti Ndini Tavani, prokuror i Tiranës Lista me 3 kandidaturat e para i përcillet SPAK për kontroll të detajuar për pastërtinë e figurës. Nëse edhe ky filtër kalohet me sukses të tre prokurorët marrin emërimin, duke e çuar në 20 organikën e prokurorëve të SPAK. Pesë kandidatët e tjerë që nuk mundën të jenë në treshen fituese, por që shfaqën interes për SPAK ishin prokurori i Tiranës, Bledar Maksuti, kryeprokurori i Elbasanit, Kreshnik Ajazi, prokurori i Durrësit, Pali Deçolli, prokurori i Vlorës, Albert Kuliçi dhe prokurorja e Tiranës, Sonila Muhametaj. Megjithatë, për ta ka edhe një shanc tjetër. Secili prej tyre bëhet kandidat potencial vetëm në rastin se SPAK përjashton ndonjërin prej të përzgjedhurve. I gjithë procesi I intervistimit dhe vlerësimit u vëzhgua nga ambasada amerikane e cila do vijojë ta ndjekë nga afër garën deri në plotësimin e tre vakancave në SPAK Pak para përzgjedhjes së tre kandidatëve fitues, Ambasaasa Amerikane përmes një statusi inkurajoi Këshillin e Lartë të prokuriruë të përzgjedhë prokurorët më të kualifikuar me nivelet më të larta të guximit, profesionalizmit, integritetit dhe pavarësisë”. Përmes statusit theksohej se “Shtetet e Bashkuara mbeten të përkushtuara për ta mbështetur Shqipërinë teksa ajo lufton korrupsionin, forcon institucionet e saj të drejtësisë dhe mbron sundimin e ligjit”. SPAK mbetet një pjesë kritike e asaj përpjekjeje”.