Një valë e zgjatur e motit të nxehtë e emërtuar “Kleon” ka filluar të prekë Greqinë , sipas Observatorit Kombëtar të Athinës. Temperatura të larta nga 33 gradë në ishujt e Jonit dhe Dodekanisa , dhe 38 gradë Celcius në zonat e tjera të vendit, janë regjistruar prej së mërkurës në mesditë dhe do të mbeten në këto nivele të paktën një javë. Ndërsa për të premten dhe të shtunën sinoptikanët grekë vlerësojnë se ato do të arrijnë në 42-44 gradë Celsius . Ministria e Krizave Klimatike dhe Mbrojtjes Civile thirri një takim urgjent në selinë e saj në Athinë për të adresuar masat që do të merren për të mbrojtur qytetarët nga efektet e valës së të nxehtit. Vassilis Kikilias, Ministër i Krizave Klimatike dhe Mbrojtjes Civile "Dua të kërkoj, pasi i gjithë mekanizmi shtetëror po punon për ditët në vijim, që qytetarët, autoritetet rajonale dhe të gjitha agjencitë të qëndrojnë në gatishmëri për të përballuar valën e të nxehtit, e cila nuk është një fenomen i panjohur në vendin tonë dhe për vendet mesdhetare, por duhet të trajtohet në mënyrën më të mirë të mundshme”. Ndërkohë edhe Ministria e Punës nxori udhëzime duke u bërë thirrje punëdhënësve të marrin masat e duhura për të shmangur rrezikimin e shëndetit të stafit të tyre. Ndër udhëzimet përkatëse janë reduktimi i punës intensive në orët e mesditës për ata që punojnë jashtë , sigurimi i ambienteve me ajër të kondicionuar si dhe të ujit tëpijshëm Vapa do të bëjë punën e vet dhe ne do të bëjmë tonën. Kemi ajër të kondicionuar, jemi mirë dhe mendoj se do t'ia dalim. Sekretariati i Përgjithshëm i Mbrojtjes me udhëzues të posaçëm u bën thirrje familjeve që kanë foshnja apo fëmijët e vegjël, si dhe për të moshuarit dhe ata që vuajnë nga sëmundje kronike, të jenë veçanërisht të kujdesshëm në ditët në vijim, për të shmangur probleme shëndetësore, të cilat mund të shkaktohet nga temperaturat e larta që do të mbizotërojnë. Pamjet: AFP