Punonjës, blerës e kalimtarë të rastit u larguan me shpejtësi të tmerruar kur një rrokaqiell 300 metra në Shenzhen të Kinës nisi të lëkundej pa ndonjë arsye të dukshme. pamjet filmike që qarkulluan në mediat sociale tregojnë turmën e njerëzvë të përfshirë nga paniku; disa prej tyre bërtasin e kthejne kokën pas të shohin cpo ndodh. habia e madhe e tyre ishte se moti ishte shumë i mirë në ato momente e nuk pati as raporte për tërmet. Deri tani, nuk ka raporte për të vdekur apo të plagosur. Në momentin që qiellgërvishësi nisi të lëkundej, brenda tij ndodheshin të paktën 15 mijë vetë. Të gjithë këta persona u evakuan brenda 90 minutave, pohuan zyrtarë lokalë. Autoritetet që po hetojnë incidentin thonë se nuk ka pasur asnjë “anomaly” në strukturën kryesore dhe as në ambjentin përreth ndërtesës. Kulla ndodhet në një lagje të ngarkuar tregtare të Huaqiangbei, ku ndodhet tregu më i madh i elektronikës në botë. Ndërtesa vetë strehon një sërë kompanish lokale të teknologjisë si dhe një qendër elektronike shumëkatëshe.