Bashkëpunimi Kinë - Rusi është i rëndësishëm për rendin botëror dhe për të gjithë njerëzimin. Këto ishin fjalët e presidenti kinez Xi Jinping, në përmbylljen e turit treditor në Rusi . Xi Jinping më tej premtoi të forcojë marrëdhëniet dhe koordinimin me Rusinë, në vizitën e parë në vend që nga fillimi i luftës në Ukrainë. Putini nga ana tjetër i quajti bisedimet thelbësore dhe të sinqerta, ndërsa shtoi se Rusia, e cila është shkëputur në pjesën më të madhe nga tregu europian i energjisë për shkak të sanksioneve, do të jetë e aftë të plotësojë kërkesën në rritje për energji të Kinës. Asnjë nga liderat nuk përmendi konfliktin në Ukrainë, edhe pse Kremlini tha se do të diskutojë një plan me 12 pika që Kina ka propozuar për të ndaluar luftimet. Në këtë plan Kina gjithashtu bën thirrje që të ndalohen veprimet që nxisin tensionet he zgjasin luftën, duke iu drejtuar në mënyrë indirekt furnizimeve me armë që kanë ardhur nga Perëndimi në Kiev. Vizita e liderit kine në Moskë është parë si një mbështetje për Putin, që është subjekt i një urdhër arresti të Gjykatës Ndërkombëtare Penale mbi akuzat se ka deportuar në mënyrë të paligjshme fëmijët ukrainas. Lidhjet tregtare të Moskës dhe Pekinit janë forcuar që prej ofensivës ruse në Ukrainë, duke I afruar vendet me njëra-tjetrën dhe duek ngritur shqetësime në Perëndim se sa thellë këto marrëdhënie do të shkojnë. Vizita e liderit kinez koincidoi edhe me një vizitë surprizë në Kiev nga kryeministri japonez Fumio Kishida, i cili ishte në Bucha, një qytet ku forcat ruse akuzohen se kanë kryer gjenocid gjatë pushtimit të tyre vitin e kaluar. Për vizitën pati reagime edhe nga NATO, me Jens Stoltenberg që u shpreh se aleanca ka parë disa shenja se Rusia ka kërkuar ndihmë vdekjeprurëse nga Kina për të mbështetur luftën në Ukrainë. “Dërgesa ende nuk ka, por ne kemi kuptuar se Kina po shqyrton një mundësi të tillë” shtoi më tej ai.