Rreth 300 paciente te qarkut te Korces qe trajtohen me kimioterapi nuk do te duhet te udhëtojnë me drejt Tiranes.. Në Spitalin Rajonal të Korçës është rikualifikuar njësia e kimioterapisë ditore, e rikonstruktuar dhe e pajisur sipas standardeve bashkëkohore për trajtimin e tyre Ministrja e Shëndetësisë. Evis Sala, tha se decentralizimi i shërbimeve onkologjike është një nder elementet e transformimit të kujdesit ndaj pacientëve me kancer. “Nuk mund të flasim për një sistem shëndetësor cilësor nëse një pacient me kancer duhet të udhëtojë qindra kilometra për të marrë trajtimin që i nevojitet. Objektivi ynë është që shërbimi të shkojë pranë pacientit dhe jo pacienti të udhëtojë për shërbimin. Korça është një hap konkret në këtë drejtim: standarde më të mira, kushte më të sigurta dhe kujdes më pranë qytetarëve.”