Këshilli Bashkiak i Tiranës miratoi sot listën e familjeve të Kombinatit, të cilat përfitojnë bonus qiraje pasi banesat e tyre u prekën nga procesi i rindërtimit prej tërmetit. Kryebashkiaku Veliaj sqaroi se vonesat në dhënien e bonusit të qirasë kanë ardhur si pasojë e proceseve gjyqësore nga partitë politike që sollën pengesa, por se bashkia i ka fituar të gjitha “Një mesazh për të gjitha partitë politike që investohen në këto bllokime: Nuk bllokohet Bashkia e Tiranës. 99% e qytetarëve shkojnë në shtëpitë e tyre, është vetëm ky 1% që është pa shtëpi, që duke u vërtitur gjyqeve me njëri-tjetrin, hasin pengesa të panevojshme. Duke qenë se jemi në prag të fundit ne do të vazhdojmë qiranë deri në ditën e fundit për qytetarët e Kombinatit” Këshilli miratoi sot edhe listën e familjeve që përfitojnë ndihmë ekonomike si dhe ato familje në nevojë që trajtohen me subvencionin e qirasë pasi nuk mund të përballojnë qiranë e tregut të lirë.