Top Channel/ “Kërkon të fshijë identitetin ukrainas”, Kievi akuzon Rusinë në gjykatën e lartë të OKB-së

“Kërkon të fshijë identitetin ukrainas”, kështu u shpreh në Gjykatën e Lartë të Kombeve të Bashkuara, përfaqësuesi ukrainas Anton Korynevych, i cili akuzoi Rusinë. Ndër të tjera shtoi se qëllimi është pjesë e një fushate shumëvjeçare për të fshirë fqinjin e saj më të vogël nga harta. Të dy palët po përballen në Gjykatën Ndërkombëtare të Drejtësisë në Hagë në një çështje të ngritur nga Kievi, ku pretendohet se Moska ka mbështetur rebelët në Ukrainën lindore që nga viti 2014.