Gjykata e Posaçme rrëzoi kërkesën e kryebashkiakut të zgjedhur të Himarës, Fredi Beleri për të shpallur të pavlefshme aktet hetimore. Beleri nuk ishte I pranishëm në seancë. Ai u përfaqësua nga avokatët mbrojtës të cilët thanë se veprimet e Prokurorisë së Vlorës dhe përgjimet janë bërë në mënyrë të parregullt. Por pretendimet e tyre nuk u morën parasysh nga Gjykata. Mospranimi I kërkesës nuk u prit mirë nga ana e palës mbrojtëse, që kërkoi që në nisje të gjyqit përjashtimin e të gjithë trupës gjykuese me argumentin se mori vendimmarrje të njëanshme. Por kjo kërkesë u la për tu shqyrtuar në një moment tjetër. Seanca e radhës kundër Belerit do të mbahet më 7 nëntor ku dhe do të dëgjohen 8 dëshmitarët e prokurorisë së posaçme. Edhe në këtë seancë nuk munguan përfaqësues nga ambasada greke që3 monitoruan nga afër procesin gjyqësor.