Menjëherë pas marrjes së njoftimit se në fshatin Shkjezë, te Vaut te Dejës, se 3 të rinj po kërcënonin me armë zjarri, për motive të dobëta, një person, shërbimet e Komisariatit të Policisë Vau i Dejës kanë ndërhyrë me qëllim parandalimin e një ngjarjeje të mundshme kriminale. Si rezultat i këtij operacioni u arrestuan tre të rinj të moshave, një 19 vjeç dhe dy 21 vjeçarë, të tre banues në fshatin Rranxë, Vau i Dejes. ata po kërcënonin me armë zjarri (kallashnikov), për motive të dobëta, shtetasin G. F. Gjatë kontrolleve, u gjet edhe një armë zjarri pushkë e cila u sekuestrua në cilësinë e provës materiale, së bashku me armën e zjarrit kallashnikov të përdorur për kërcënimin, municion luftarak, një automjet dhe 3 celularë. Në vijim të veprimeve proceduralo-hetimore në kuadër të operacionit policor “Shkjeza”, në bashkëpunim me Prokurorinë e Shkodrës, u bë e mundur zbardhja dhe dokumentimi ligjor i dy rasteve të shkatërrimit të pronës me zjarr, nga këta tre shtetas, të cilët në datën 18 nëntor 2022, në fshatin Mjedë, kanë djegur 3 automjete, ndërsa në datën 10 janar 2023, në fshatin Kaçë, kanë djegur 1 automjet.