Senati amerikan konfirmoi të enjten zgjedhjen e Robert Kennedy Jr. për postin e drejtorit të Departamentit për Shërbime Shëndetësore dhe Njerëzore. Ky ishte njëri nga propozimet më të kontestuara të presidentit Donald Trump, shkruan BBC. Kennedy, që dikur kishte shprehur dyshime ndaj vaksinave anti-COVID, ishte kandidat për president të SHBA-së para se të dorëzohej dhe të përkrahte Trumpin. Gjatë fushatës presidenciale, Kennedy pati bërë bujë me kritikat për vaksinat anti-COVID dhe imunizimin e fëmijëve. Ai pati thënë se ato vaksina lidhen me autizëm, edhe pse ka dëshmi të mjaftueshme se kjo s’është e vërtetë. Ish-kandidati presidencial do të kryesojë departamentin i cili ka afërsisht 80,000 punëtorë dhe buxhet prej triliarda dollarësh. Të enjten, Kennedy u konfirmua me 6 vota diferencë, ndwsrsa asnjë anëtar i Partisë Demokratike nuk e përkrahu zgjedhjen e tij. Kennedy është zgjedhja e dytë që konfirmohet këtë javë pas Tulsi Gabbard, një tjetër propozim i kontestuar i presidentit Donald Trump për pozitën e drejtorit të Sigurisë Kombëtare.