Arsimi i kandidatëve për kryebashkiak është kthyer në një nga temat e forta të fushatës. Vecanërisht mes dy kandidatëve kryesorë, Erion veliajt dhe Belind Këllicit. Përtej retorikës politike, Top Channel verifikoi më tej në lidhje me këtë cështje të gjitha faktet e parashtruara, duke pyetur institucionet arsimore si dhe duke ju kërkuar vetë kandidatëve të dhëna për diplomat e tyre. Rivaliteti i Belos në garën e 14 majit, është me Erion Veliajn, i cili kërkon të fitojë mandatin e tretë si kryetar i bashkisë së Tiranës, e për koicidencë të dy kanë kryer arsimin e lartë në Shtetet e bashkuara të Amerikës. Veliaj ka ndjekur studimet e larta për ‘bachelor of arts” në Michigan në “Grand Valley State University”, e më pas është diplomuar në ciklin e dytë të studimeve master për politikat europiane në Angli. Këto janë diplomat e tij, e vëna në dispozicion pas kërkesës së Top Channel. Ndryshe nga Veliaj, Belind Këllici, nuk ju përgjigj ftesës zyrtare së Top Channel për të treguar diplomat por zëdhënësja e fushatës së tij Silvi Bardhi tha se kandidati për bashkinë e Tiranës e ka ezauruar përgjigjen e tij në të gjitha mediat. Vetë Belindi në intervista përdor si argument shkresën e Harry Fultz që informon se ka kryer 4 vite nga cikli 5 vjeçar që duhet të përfundonte.