Top Channel/ Katër viktima, dy të plagosur! Aksident në Tepelenë-Memaliaj, përplasen tre automjete

Katër persona kanë humbur jetën në një aksident të rëndë ku u përfshinë tre mjete. Aksidenti ndodhi rreth orës 19.00 rreth 300 m larg hyrjes së Tepelenës në bypassin që devijon qytetin. Riza Rapaj 42 vjeç nga fshati Luftinjë që udhëtonte me një mjet tip Benz nga Tepelena drejt Memaliajt ka kryer një manovër të gabuar duke u përplasur me mjetin tip Toyota që vinte nga drejtimi i kundërt. Brenda Toyotës udhëtonin 5 persona të të njëjtës familje. 42 vjeçari që u bë shkak për aksidentin dhe drejtuesi i mjetit Toyota Lavdosh Bega 62 vjeç kanë humbur jetën në vendngjarje. Më pas u konfirmuan të vdekur gjatë transportit për në spital edhe Lefteri Bega 57 vjeç bashkëshortja e Lavdoshit dhe Afërdita Meta 85 vjeç, nëna e kësaj të fundit.