Një skandal i madh ka përfshirë parlamentin europian pas një hetimi që zbuloi një aferë të madhe korrupsioni që lidhet me lobimin për katarin në këtë insititucion. Si pasojë u arrestua nënpresidentja e Parlamentit Evropian Eva Kaili nga partia socialiste greke Pasok , si dhe Luca Visentini, sekretar i përgjithshëm i Konfederatës Ndërkombëtare të Sindikatave. Policia belge pasi kontrolloi 16 shtëpi , arrestoi të paktën edhe dy të dyshuar tjetër të premten. Ish deputetin pier antonio panzeri si dhe një ish asistent të këtij të fundit Kërkimet u kryen si pjesë e një hetimi më të gjerë për "organizatat kriminale, korrupsionin dhe pastrimin e parave" tha në një deklaratë zyra e prokurorisë federale belge.Kohët e fundit Kaili i ishte referuar Katarit një vend " favorizues në të drejtat e punës" pas takimit me ministrin e punës të Katarit, pavarësisht shqetësimeve të thella ndërkombëtare për kushtet për ndërtimin e stadiumit. Shteti i Gjirit ka qenë subjekt i polemikave së fundmi si mikpritës i Kupës së Botës 2022 në vazhdim, gjatë së cilës është kritikuar për politikat e tij regresive ndaj të drejtave LGBTQ+ dhe punëtorëve migrantë.“Për disa muaj, hetuesit nga Policia Gjyqësore Federale dyshojnë se një vend i Gjirit ka ndikuar në vendimet ekonomike dhe politike të Parlamentit Evropian (PE)”, shtohet në deklaratën e prokurorit. Katari akuzohet se ka vënë në shënjestër zyrtarë “me një pozicion të rëndësishëm politik dhe/ose strategjik” në Parlament, duke u dërguar atyre “sasi të konsiderueshme parash” dhe “dhurata të rëndësishme”, sipas deklaratës së prokurorit. hetuesit belgë po shqyrtojnë nëse Katari ka kërkuar të ndikojë në pozicionet në Parlament në mënyra që “kalojnë përtej lobimit klasik”. Policia sekuestroi "rreth 600,000 euro para të gatshme", celularë dhe pajisje kompjuterike në bastisje Pamjet: AFP