Policia portugeze ka sekuestruar 5.2 tonë kokainë në një jaht i cili lundronte me flamurin spanjoll. Sipas zyrtarëve vendas, lënda narkotike mbërrin në tregun e zi vlerën e 200 milionë euro. Kjo është sasia më e madhe e sekuestruar e drogës që ka ndodhur në këtë vend në 15 vitet e fundit, dhe një ndër më të mëdhatë në Europë. Në operacionin e ndalimit të jahtit 24 metra të gjatë, policia portugeze u mbështet edhe forcat detare dhe ajrore të vendit. Dy shtetas spanjollë dhe një peruan kanë përfunduar në pranga. Autoritetet vendase dyshojnë se kokaina i përkiste një grupi ndërkombëtar të trafikut të drogës që po dergonte kokainë në Europë përmes Gadishullit Iberik. "Kjo është një goditje e madhe për ata që duan ta mbysin Europen me drogë”, deklaroi shefi i policisë portugeze, Luis Neves. Në operacion u përfshi gjithashtu dhe Spanja, Shtetet e Bashkuara dhe Britania e Madhe.