Policia e Tiranës ka zbardhur grabitjen me armë zjarri që ndodhi pak ditë më parë në një pikë këmbimi valuator në zonën e Unazës së Re. Si autor të dyshuar të ngjarjes policia shpalli në kërkim 39-vjeçarin, Artan Tafani ndërsa arrestoi bashkëpunëtorin e tij një 35-vjeçar nga Fieri. Nga hetimet u zbulua se grabitësi pasi kreu vjedhjen e fshehu biçikletën së bashku me veshjen në një garazh që I kishte siguruara I riu nga Fieri. Gjatë marrjes në pyetje 35-vjeçari mohoi që ta njihte autorin e vjedhjes, por gjatë kontrollit të ushtruar në garazh uniformat blu konkluduan se ata kishin njohje pasi gjetën sendet që 39-vjeçari kishte përdorur gjatë grabitjes. Po ashtu brenda në garazh, agjentët gjetën dhe një makinë që ishte vjedhur në Shijak. Grabitësi Artan Tafani, rezulton I dënuar edhe në parë po për vjedhje ndërsa po vijon puna për kapjen e tij. Ngjarja ndodhi mëngjesin e e të shtunës, ku autori u fut i maskuar dhe i armatosur me pistoletë në pikën e këmbimit valutor në Astir dhe nën kërcënimin e armës së zjarrit mori rreth 40 mijë euro e më pas u largua nga vendngjarja me shpejtësi.