Dy 27-vjeçarë nga Tirana dëshirën për të pasur makina luksoze dhe për të frekuentuar jetën e natës e plotësuan duke u marrë me aktivitete të paligjshme duke furnizuar me kokainë shpërndarësit e drogës në zonën e ish bllokut, aktivitet të cilin e kryenin prej m ë shumë se një viti. Por kjo aventurë përfundoi pasi ata u vunë në pranga dhe ata rrezikojnë deri në 15 vite burgim. Policia e Tiranës kishte 3 muaj që ishte vënë nga pas Renaldo Spahiut dhe Braild Agës në emrat e të cilve mbërriti pas thellimit të hetimit pas identifikimit të 42 shpërnarësve të kokainës në zonën e ish bllokut. Dy 27 vjeçarët u kapën në flagrancë, teksa lëviznin me një automjet luksoz në aksin rrugor “Ura e Beshirit - Pezë”. Gjatë kontrolleve fizike, në automjet dhe në banesa, atyre iu gjetën në total 1.2 kg Kokainë, që dyshohet se do t’iu jepej shpërndarësve të drogës në zonat “Tiranë e Re”, “Kombinat” dhe në Selitë. Polica sekuestroi po ashtu edhe automjetin e tyre si edhe celularët, që pritet të zgjerojnë më shumë rrjetën e të arrestuarve.