Dy shtetas shqiptarë janë mes të 15 të arrestuarve në anijen Blume në të cilën u sekuestruan 4.5 tonë kokainë që kishin destiancion europën. Anija u kap nga policia spanjolle 173 milie larg santa cruz në ishujt kanarie. Mediat greke thonë se anija ishte pronë e një kompanie greke, zyrat e së cilës ndodhen në pire si adresë, por që në realitet nuk ekzistojnë. Mësohet se lënda narkotike ishte ngarkuar në anijen ne ameriken latine dhe destinacion kishte letoninë, por sipas mediave greke, ngarkesa mund të ndëryshonte destinacion dhe të hynte në mesdhe. Blume është një anije 3 mijë tonëshe dhe kishte të ngarkuar vetëm 200 tonë kafe, një sasi kjo shumë e vogël për një anije kaq të madhe. ky fakt ka ngritur dyshime te policia spanjolle e cila ushtroi kontroll. Ndërkohë autoritetet greke janë vënë në alarm dhe po kërkojnë informacione të mëtejshme për anijen, pronarët e saj por edhe për dy shqiptarët e gjendur në bord që deri tani nuk dihet identiteti. Kjo është një sasi record droge e kapur gjatë kohëve të fundit, e cila nëse do të hidhej në treg do vlente qindra miliona euro.