Një sasi prej rreth 10 tonë kokainë u kap në Ekuador të dielën, gjatë një aksioni që ka ndërmarrë ushtria kundër të gjitha grupeve kriminale në këtë shtet. Droga, pesha e të cilës ende nuk dihet e saktë, u zbulua në një magazinë në zonat rurale të qytetit Vinces. Lënda narkotike ishte futur nw thasw tw ndryshwm me qëllim që më pas të eksportohej drejt destinacioneve të ndryshme. Pjesë e operacioni u bë dhe policia ekuadoriane. Në total, sipas mediave të huaja, në të gjithë Ekuadorin operojnë rreth 20 organizata të mëdha kriminale të cilat kultivojnë drogën dhe më pas e eksportojnë drejt shteteve të ndryshme. Pjesa më e madhe e krerëve të këtyre grupeve ndodhen në burgje, por kjo gjë nuk I ka penguar ata që të vijojnë trafikun e drogës. Më nëntë janar presidenti I vendit Daniel Noboa shpalli gjendjen e jashtëzakonshme dge urdhëroi luftë të pamëshirshme kundër bandave të drogës. Ndërkohë të shtunën, Forcat e Armatosura në bashkëpunim me marinën kolumbiane kapën në oqeanin paqësor një sasi prej mbi 3 tonë kokainë që po transportohej me një nëndetëse. Vetëm në vitin 2023 në Ekuador, u kapën më shumë se 200 tonë drogë, shifër kjo rekord që nga viti 2019. Pamjet: AFP