Prokurori i përgjithshëm Olsian Çela ka thirrur mbledhje urgjente në selinë qëndrore të akuzës për cështjen e pagave të bllokuara të magjistratëve. Burime për Top Channel thanë se mbledhja është kërkuar dhe do të mbahet në Tiranë këtë të martë në orën dhjetë. Kryeprokurori Cela ka thirrur takimin me shefat e prokurorive në rrethe dhe shoqatën e prokurorëve të Shqiperisë ndërsa janë ftuar të marrin pjesë edhe anëtarë të KLP përpara se nga kjo mbledhje të dilet me një qendrim të përbashkët prej akuzës. Prej një jave magjistratët dhe administratat e prokurorisë dhe gjykatave nuk ka marrë pagat, ndërsa të hënën pati një reagim nga kushetuesja për pagat e bllokuara te gjyqtarëve dhe prokurorëve për të cilët dy këshillat kishin llogaritur pagat e reja sipas një formule të kërkuar nga kushtetuesja. Kjo gjykatë theksoi edhe një herë se “Vendimet e kushtetuese janë përfundimtare dhe të detyrueshme për zbatim”, por ministri i drejtësisë Toni Gogu e bëri të qartë në fundjavë gjatë një konference se çështja e pagave zgjidhet me ligj dhe përmes kuvendit të cilit në 30 korrik i kaloi projektligji i ri për pagat.