Presidenti i Koresë së Jugut, Yoon Suk Yeol, shpalli gjendjen e jashtëzakonshme ushtarake. Në një fjalim televiziv ai ka thënë se vendimi është marrë për të larguar lëvizjet pro-Koresë së Veriut nga vendi, dhe për të mbrojtur rendin kushtetues liberal. Hera e fundit që ligji ushtarak u shpall në Korenë e Jugut ishte në vitin 1979 pas vrasjes së diktatorit të atëhershëm Park Chung Hee. Megjithatë, disa orë më pas ai njoftoi se do të heqë gjendjen ushtarake që kishte vendosur të martën. Deklarata e tij erdhi vetëm pak pasi ligjvënësit votuan unanimisht për heqjen e dekretit të presidentit për ligjin ushtarak, me 190 vota pro. Zëdhënësi i Departamentit amerikan të Shtetit, Vedant Patel, ka thënë se SHBA-ja është duke i ndjekur me “shqetësim të madh” zhvillimet në Korenë e Jugut. "Ne po vazhdojmë të vëzhgojmë me shqetësim të madh dhe do të vazhdojmë të ndjekim zhvillimet në terren nga shumë afër”, ka thënë Patel. Situata precipitoi për shkak të përplasjeve prej disa javësh për buxhetin e vitit 2025, ku opozita dhe mazhoranca organizuan protesta, të cilat degjeneruan në përleshje masive mes mbështetësve. Përplasjen ishin të përgjakshme dhe presidenti i vendit pas disa paralajmërimeve se do të kthente ligjin ushtarak, e mori këtë vendim papritur të martën. Menjëherë protestuesit e të dy kampeve i lanë mënjanë sherret mes tyre dhe rrethuan asamblenë kombëtare, duke kërkuar shfuqizimin e ligjit ushtarak.