Mbi 200 persona janë plagosur në përleshjet mes tifozëve të futbollit dhe policisë në mbarë Francën, pasi Paris Saint-Germain (PSG) fitoi finalen e Ligës së Kampionëve kundër Arsenal-it. Tetë persona ndodhen në gjendje të rëndë, tha ministri i Brendshëm francez, Laurent Nunez, ndërsa mijëra policë u vunë nëpër rrugë për të frenuar trazirat, të cilat ndërprenë shërbimet e autobusëve, trenave dhe hekurudhave në kryeqytetin francez, Paris. Nga policia, 57 oficerë mbetën të plagosur. Nunez deklaroi se 780 persona janë arrestuar për shkak të dhunës, ndërsa më shumë se 450 prej tyre ndodhen në paraburgim. Një person u gjet i vdekur pas një aksidenti në Paris, të cilin protestuesit u përpoqën ta bllokonin gjatë natës. Rreth 6,000 policë janë angazhuar për paradën e fitores të së dielës pranë Kullës Eiffel.