Ka pasur një plan për të vrarë presidentin serb, Aleksandar Vucic sipas kryeministres Ana Brnabic, e cila tha se goditja e kreut të shtetit ishte planifikuar të ndodhte gjatë zbulimit të monumentit të Stefan Nemanjës, që u bë më 27 janar të këtij viti në Beograd. “Vrasja është planifikuar prej kohësh dhe në detaje. Janë formuar struktura paralele në Ministrinë e Brendshme dhe janë bërë fushata në mediat e manjatëve, që janë transmetuar edhe në mediat në rajon për dehumanizimin e Vuçicit, që ta shndërronin atë dhe familjen e tij në një grup kriminal”, tha Bërnabic për televizionin Pink. Sipas saj, me këtë cështje po merren shërbimet kompetente dhe përgjegjësit nuk do të mund t’i shpëtojnë dejtësisë, e për këtë nuk do të merren parasysh as |emri, mbiemri, funksioni apo përkatësia partiake”. Kryeministrja serbe deklaroi se akuzat për përgjimet e Vuçicit në aferën “Jovanjica” janë “tentativë për grusht-shtet”. Dyshohet se ai është përgjuar nga shërbimet vendase, mbi të cilat ka kompetence ministria e brendshme, e drejtuar në vitet 2014-2020 nga Nebojsha Stefanovic, që aktualisht mban detyrën e ministrit të mbrojtjes. Stefanovic deklaron se knuk ka marrë pjesë “në ndonjë aktivitet që do ta rrezikonte Vuçic apo anëtarët e familjes së tij”. Edhe ish-sekretarja e Ministrisë së brendshme, Diana Hërkalovic, e arrestuar së fundi, eshte përmendur për lidhje me aferën e përgjimit të presidentit.