Një pamje e pazakontë vjen nga Venecia aty ku një pjesë ujit në kanalet qendrore të qytetit ka marrë një ngjyrë jeshile fluoreshente. Autoritetet lokale kanë mbledhur mostra uji dhe kanë hapur një hetim urgjent pasi u njoftuan nga qytetarët. Sipas analizave të bëra duket se boja është një lloj “gjurmuesi”. Pra kemi të bëjmë me një lëng që hidhet në ujë për të ndjekur rrugën e tij. Hetuesit thanë se në fillim menduan se bëhej fjalë për një protestë të aktivistëve që mbrojnë mjedisin, por më pas askush nuk doli të marrë përgjegjësinë. Policia italiane ka nisur një hetim dhe po kërkon autorët e këtij akti.