Gjashtë persona u vranë, dy prej të cilëve oficerë policie dhe katër civilë, kur një kamion përplasi aksidentalisht një pikë kontrolli të uniformave blu në Spanjën jugore. Tre policë të tjerë të Guardia Civil u lënduan gjithashtu në incidentin që ndodhi ditën e sotme në një autostradë në jug të Seviljes. Pika e kontrollit ishte ngritur si pjesë e një operacioni rutinë të policisë për të parandaluar trafikun e drogës, por që rezultoi fatale për disa persona. Pas aksidentit, shoferi u arrestua, por raportet e mediave njoftuan se ai kishte rezultuar negativ për alkool dhe drogë. Nga ana tjetër në kamion ndodhej edhe një shofer i dytë që ishte duke fjetur në atë moment. Në aksidentin rrugor u përfshinë kamioni që transportonte perime, tre automjete private dhe katër makina policie. Spanja është një nga pikat kryesore të hyrjes për drogën në Evropë duke pasur parasysh lidhjet e saj të ngushta me Amerikën Latine, e cila është burimi kryesor i kokainës, dhe afërsia e saj me Marokun, i cili është një burim kryesor i kanabisit. Pamjet: AFP