Një video e publikuar së fundmi e zv/presidentes së SHBA Kamala Harris, e cila humbi garën presidenciale ndaj Donald Trump, ka ndezur një stuhi polemikash, ndërsa kritikët e etiketuan sjelljen e saj si jo koherente dhe disa madje e akuzojnë atë si të "alkoolizuar". Harris u shfaq në ekran dukshëm e zhgënjyer dhe e dëshpëruar dhe videoja prej 28 sekondash e postuar në platformën ‘X’ nga Komiteti Kombëtar Demokratik është kritikuar për paraqitjen e zv/Presidentes. Sytë e Harris shprehin lodhjen e dukshme dhe mënyra sesi shprehet duke tepër e dëshpëruar. “E di që është një kohë e pasigurt. E di mirë. E di që e kuptoni dhe e ndjeni. Më duhet vetëm t'ju kujtoj: ‘Kurrë mos lejoni që dikush t'jua marrë fuqinë tuaj", thotë ndër të tjera Harris në këtë mesazh të parë për publikun. Videoja e Harrisit synonte të nxiste demokratët ende të dëshpëruar nga humbja e saj dhe të theksonte rëndësinë e aktivizmit të tyre të vazhdueshëm. Megjithatë, mesazhet duket se janë lënë në hije nga toni dhe sjellja e saj. Kritikët, duke përfshirë politikanë republikanë dhe komentues të mediave sociale, e akuzuan Harrisin se u shfaq jashtë realitetit, me disa pyetje nëse ajo ishte e dehur gjatë regjistrimit.