Top Channel/ Kalojnë në Kuvend tre projektligjet, mes tyre edhe projekti i Veliajt me KfW gjermane

Tre projektligjet e diskutuara nw seancën plenare tw sw enjtes janë ratifikuar. Lidhja e marrëveshjes mes Bashkisë së Tiranës dhe bankës gjermane KfW për transformimin e transportit publik në kryeqytet u miratua me 77 vota pro, 10 kundër dhe asnjë abstenim. Në seancë u theksua se përveç rritjes së shpejtësisë dhe efikasitetit të transportit publik, projekti do të promovojë përdorimin e mënyrave të transportit të qëndrueshëm dhe redukton ndotjen e ajrit, duke kontribuar në përmirësimin e cilësisë së ajrit në qytet. Objektivi është ndërtimi i sistemit të transportit me kapacitet të lartë BRT, në tri korridoret e transportit qytetës të Bashkisë Tiranë: a) Tirana e Re; b) Unaza; c) Kombinat – Kinostudio. Projektligji “Për ratifikimin e marrëveshjes ndërmjet Shqipërisë dhe Bashkimit Evropian për pjesëmarrjen në programin “Qytetarët, barazia, të drejtat dhe vlerat” u miratua me vota 93 pro dhe asnjë kundër. Ndërsa projektligji “Për ratifikimin e Konventës Lubjanë – Hagë për Bashkëpunimin Ndërkombëtar për Hetimin dhe Ndjekjen Penale të Krimit të Gjenocidit dhe Krimeve kundër Njerëzimit” kaloi me 92 vota pro, asnjë kundër dhe asnjë abstenim.