Është gati harta e ADN-së e peshkaqenit të Groenlandës, kafsha vertebrore më jetëgjatë në botë që jeton në Atlantikun e Veriut dhe Oqeanin Arktik. Ai ka një jetëgjatësi rekord prej 400 vjetësh. Rezultati është publikuar në platformën “biorXiv” dhe është produkti i punës së grupit kërkimor ndërkombëtar mbi plakjen, i koordinuar nga “Instituti Fritz Lipman” në Jena të Gjermanisë. Po pse është e rëndësishme të hartohet ADN-ja? Sepse harta e gjenomit është thelbësore për të pasur informacion të detajuar se cilët mekanizma lejojnë një organizëm të mbijetojë, të zhvillohet dhe të riprodhohet. Pse është kaq jetëgjatë ky peshkaqen? Shkencëtarët dyshojnë se zgjerimi i elementeve të transportueshëm mund të ketë kontribuar edhe në jetëgjatësinë ekstreme të kafshës, pasi shumë gjene të dyfishta janë në fakt të përfshirë në riparimin e dëmtimit të ADN-së. "Një gjetje fantastike, që mund të ndihmojë për të bërë krahasime me studimet që janë kryer mbi gjitarët jetëgjatë, të cilat në fakt nuk kanë të krahasuar me këtë rast. Këto zbulime janë jashtëzakonisht efikase dhe mund të ndihmojnë në të ardhmen në riparimin ADN-së”, thotë studiuesi Alesandro Çelerino.