Administrata e Presidentit amerikan, Donald Trump thyen rekord për numrin e lartë të zyrtarëve me pasurinë më të mëdha në historinë moderne të qeverisjes amerikane. 57 zyrtarë zotërojnë pasuri prej të paktën 100 milionë dollarësh. Mes tyre janë 17 ambasadorë dhe 40 zyrtarë të nivelit të lartë. Pasuria e jashtëzakonshme është e dukshme edhe brenda kabinetit presidencial. Edhe tetë nga 23 anëtarët e kabinetit të Trump bëjnë pjesë në këtë kategori. Sipas një raporti të organizatës Public Citizen, të publikuar nga Associated Press, numri i personave me këtë nivel pasurie në administratën Trump është më shumë se katër herë më i lartë se totali i regjistruar së bashku gjatë administratave të tre presidentëve të mëparshëm. Shifrat paraqesin një kontrast të fortë me administratat e mëparshme. Administratat e republikanit George W. Bush dhe demokratit Joe Biden kishin nga pesë anëtarë secila me pasuri neto prej të paktën 100 milionë dollarësh, ndërsa administrata e Barack Obamës kishte tre. Trump, i cili vetë është miliarder, e ka justifikuar zgjedhjen e njerëzve jashtëzakonisht të pasur për poste të larta, duke e paraqitur pasurinë si një tregues të suksesit financiar dhe menaxherial.