Tre anije që po transportojnë 400 ton ushqime janë nisur nga porti i Qipros të shtunën drejt Gazës të shkatërruar nga lufta. Një nga organizatat e përfshira në ndihmë, Ëorld Central Kitchen tha se anijet janë të mbushura me oriz, makarona, miell, perime të konservuara dhe proteina, nga të cilat mund të përgatiten mbi 1 milion vakte ushqimore. Po ashtu, në dërgesa ka edhe hurma, që tradicionalisht konsumohen për iftar gjatë Muajit të shenjtë të Ramazanit. Anijeve do t’i duhet rreth 65 orë për të arritur në Gaza, sipas AFP-së, ndërkohë që Organizata e Kombeve të Bashkuara ka paralajmëruar se pjesën e shkatërruar dhe e izoluar e veriut të Gazës rrezikon të preket nga uria gjatë këtij muaji. Pavarësisht këtyre dërgesave, për zyrtarët humanitarë që ndodhen në Gaza, ndihmat nga që po vijnë nga ajri dhe deti nuk janë të mjaftueshme, ndaj edhe Izraeli duhet të lejojë hapjen e më shumë pikave tokësore, që të përdoren si rrugë për kalimin e ndihmave ushqimore. Edhe një gjykatë e lartë e OKB-së, urdhëroi Izraelin që të hapë më shumë pikëkalime tokësore dhe të ndërmarrë masa për të adresuar krizën humanitare në Gaza. Pamjet: AFP