“Aleanca mes SHBA-së dhe Mbretërisë së Bashkuar, është e pashkatërrueshme” deklaroi kryeministri britanik Boris Johnson për BBC pas takimit të tij të parë me presidentin amerikan Joe Biden. “ Patëm një bisedë të jashtëkonshme”, u shpreh Johnson që dukej mjaft entuziast ndërsa këmbënguli se presidenti amerikan, që udhëtoi dretj Cornëall-it për samitin e G7-tës, nuk e kishte qortuar sic u tha pët tensionet post-brexit lidhur me Irlandën e Veriut. Bideni sidoqoftë është shprehur thellësisht i shqetësuar për atë situatë. Samiti i grupit të vendeve më të industrializuara nis sot në Britani, i pari me praninë fizike të liderëve botërore që prej shpërthimit të pandemisë vitin e kaluar. udhehqesit e G7-tës pritet të angazhohen bashkarisht për shpërndarjen e një miliard vaksinave kundër koronavirusit. Përveç pandemisë, një vend të rëndësishëm në axhendë pritet të zënë edhe ndryshimet klimatike dhe tregtia. takimi që mbledh bashkë liderët e SHBA-së, Gjermanisë, Francës, Italisë, Britanisë së Madhe, Kanadasë dhe Japonisë në resortën e gjirit të Karbisit, në jugperëndim të Anglisë, do të zgjasë deri të djelën. Rusia ka qenë dhe ajo pjesë e grupit që prej vitit 1998, por u përjashtua në 2014 pas aneksimit të paligjshëm të Gadishullit ukrainas të Krimesë. Kina nga ana tjetër nuk ka qenë kurrë anëtare, pavarësisht ekonomisë së saj të madhe dhe popullsisë më të madhe në botë.