Aktori i njohur Johnny Depp u përlot pas pritjes së ngrohtë që iu bë filmit të tij në Festivalin e Filmit në Kanë. Videoja e shpërndarë në rrjetet sociale nga Variety tregon Depp tepër të emocionuar gjatë një ovacioni prej 7 minutash për filmin e tij, “Jeanne du Barry”, në të cilin ai luan si ish-mbretin e Francës Louis XV. “Jeanne du Barry”, është projekti i parë filmik i aktorit që nga një gjyqi për shpifje me ish-bashkëshorten Amber Heard verën e kaluar. Një juri i gjeti ata të dy përgjegjës për shpifje në paditë e tyre kundër njëri-tjetrit, por theksoi se më shumë i dëmtuari nga to kishte mbetur Depp. Gjatë fjalës së mbajtur në konferencën për shtyp në Kanë, Depp foli për “pëshpëritje abstrakte”, duke shtuar se “shumica e asaj që keni lexuar në katër ose pesë vitet e fundit … në lidhje me mua dhe jetën time nuk është asgjë më tepër veçse një trillim i tmerrshëm.” Megjithatë, “fokusi duhet të jetë thjesht në faktin se është një mrekulli të bësh një film që të intereson në radhë të parë. Ti fiton pikërisht atje”- tha Depp. Sipas Variety, Depp tha gjithashtu se: “Unë nuk ndihem i bojkotuar nga Hollyëood sepse nuk mendoj për Hollyëood”. “Jeanne du Barry” tregon historinë Madame du Barry dhe ishte dashnore e mbretit Louis XV. Pamjet: AFP