Viti i ardhshëm mund të sjellë ndryshime të rëndësishme për Venecian, pasi autortietet po planifikojnë që ta bëjnë hyrjen me pagesë për vizitorët ditorë. Këshilli i Qytetit njoftoi se ky vendim mendohet të bëhet për të menaxhuar numrin e madh të turistëve që tërhiqen nga kanalet e saj historike. Pagesa për hyrje në Venecia do të jetë pesë euro për vizitorët ditorë, mbi moshën 14-vjeçare. Kostoja do të shërbejë si eksperiment për 30 ditë vitin e ardhshëm, dhe do të aplikohet në ditët e pushimit dhe fundjavat e verës kur numri i turistëve e arrin kulmin. Synimi është për ta gjetur një baraspeshë mes të drejtave të atyre që jetojnë, studiojnë apo punojnë në Venecia, si dhe atyre të cilët e vizitojnë qytetin. Simone Venturini nga këshilli i turizmit i Venecias deklaroi se ky nuk është vendim për të fituar para, duke shtuar se pagesa do ta mbulojë vetëm koston e administrimit të skemës. Për datën e saktë të planit dhe se si do të udhëhiqet ai, do të vendoset pas aprovimit përfundimtar të këshillit, i cili pritet të ndodhë javën e ardhshme. Ky plan nuk është i panjohur për kabinetin përgjegjës të Venecias, pasi në vitin 2019 u propozua për herë të parë, por u shty për shkak të të pandemisë së COVID-19, si pasojë e të cilës munguan turistët, e më vonë për shkak të arsyeve teknike dhe procedurale. Pamjet: AFP