Parlamenti Europian votoi pak ditë më parë rregulloren e re për paketimet ushqimore. Nisma ligjore e propozuar nga Komisioni I mjedisit në Bruksel, kaloi me 426 vota pro, 125 kundër dhe 74 abstenim. Ky ligj synon të reduktojë ambalazhet për njëpërdorimshme me 5% në vitin 2030, 10% deri në 2035 dhe 15% brenda 2040. Ligjvënësit evropianë synojnë të ndalojnë shitjen e qeseve plastikë më pak se 15 mikron, përveç rasteve kur ato kërkohen për arsye higjienike ose për disa kategori të produkteve ushqimore. Rregullorja e propozuar nga Komisioni i Mjedisit, sipas mediave italiane mund të revolucionarizojë panoramën e sektorit ushqimor. Kjo pasi do të zhduken të gjitha ato ambalazhe njëpërdorimshme si: kutitë e konservave, qeset e erëzave, paketimet e salcave, ato të kafesë si dhe sheqerit. Por jo fillimisht do të prek sektorin e restoranteve dhe hotelerisë që do të kenë rregulla të reja për mënyrën se si do të furnizohen dhe se ku do të mbahen këto produkte. Po ashtu jashtë përdorimit do të dalë dhe paketimi plastik që përdoret për frutat-perimet apo mishin. Përjashtim nuk do të ketë as për shampot dhe produktet kozmetik që përdoren po në hotele. Kjo rregullore ka ngjallur mjaft debat. Italia e ka kundërshtuar pas inga këto rregulla pritet të goditet një pjesë e madhe e industrisë së vendit.