Top Channel/ Jo mbi 80 km/h/ Propozimi PS rrit moshën e shoferëve të rinj të autobusëve & kamionëve

Pensionistët deri në 70 vjec mund të drejtojnë autobusë, kamionë, cdo mjet për transport publik apo transport mallrash si dhe lejet e drejtimit për ta mund të jenë të vlefshme për 15 vite. Pas ndryshimit të kodit rrugor duke ashpërsuar gjobat për tejkalimin e shpejtësisë dhe përdorimin e alkoolit gjatë drejtimit të mjeteve, grupi parlamentar i partisë socialiste propozon ndryshime të tjera ligjore përmes disa amendamenteve dërguar Kuvendit duke kërkuar rritjen e kufirit të moshës me 5 vjet për drejtimin e mjeteve për transportin publik. Aktualisht kodi rrugor lejon shoferët deri në moshën 65 vjec të drejtojnë autobusë apo kamionë e mjete të caktuara për transportin e njerëzve , por propozohet nga kryetari I grupit parlamentar të PS-së që kjo pikë të shfuqizohet. Për shqiptarët mbi 70 vjec leja e drejtimit për vetura do të jetë e vlefshme pas dorëzimit të një certifikate mjekësore që vërteton se janë të aftë fizikisht e mendërisht për të drejtuar mjetin. Më tej, kërkohet që të shtohen kufizimet për drejtuesit e motomjeteve, ku shoferët e rinj brenda 3 viteve pas marrjes së lejedrejtimit të kategorive A dhe B nuk duhet t’iu lejohet tejkalimi I shpejtësisë prej 80 km/orë në autostrada si dhe 70 km/ orë në rrugët interurbane kryesore.