Kryeministrja socialdemokrate e Suedisë, Magdalena Andersson, pranoi humbjen të mërkurën pas një gare elektorale të ngushtë, dhe dha dorëheqjen. Teksa ka ende vota për tu numëruar,Andersson, e cila u bë kryeministrja e parë grua e Suedisë vitin e kaluar tha se rezultatet treguan se gara me një bllok partish të ekstremit të djathtë ishte e humbur. Magdalena- " shumica e sondazheve të opinionit na treguan se do të kishte një garë të ngushtë në zgjedhje, kështu që nuk u befasova që shkoi në këtë mënyrë, por sigurisht që jam e shqetësuar se si do të jetë zhvillimi në Suedi në vitet e ardhshme. Nuk e dimë se si do të formohet qeveria, por si socialdemokratë ne do të jemi gjithmonë të gatshëm të marrim pushtetin nëse gjërat ndryshojnë”. Zgjedhjet shënojnë një pikë kthese në politikën suedeze me Demokratët suedezë kundër imigracionit, të shmangur nga të gjitha partitë kryesore kur hynë për herë të parë në parlament në vitin 2010. Ata duket se do të fitojnë 20.6 përqind të votave, duke kaluar të moderuarit, të cilët morën 19.1 përqind, si partia më e madhe në të djathtë.