I rrethuar nga misteri e rrëfenja demonësh, Pusi i Barhutit në lindje të Jemenit, qe njihet ndryshe dhe si “Pusi i ferrit”, ngjall kërshëri të madhe. E ndodhur shume pranë kufirit me Omanin, kjo grope gjigande në shkretëtirën e Al-Mahras, është 30 metra e gjerë dhe ndoshta 250 e thellë. Gojëdhënat vendase thonë se ajo u krijua si burg për demonët, një reputacion ky të cilin e ushqenë dhe era e rëndë që ngjitet nga thellësia. Zyrtarët jemenitë nuk dine ta thonë se cfarë ka në fund të këtij pusi. “ Nuk kemi mbërritur kurrë deri në fundin e tij sepse ka shumë pak oksigjen dhe aspak ventilim”, shprehet drejtori i Institutit vendas të Gjeolologjisë, Salah Babhair. “ E kemi vizituar zonën dhe kemi hyrë në këtë pus por nuk jemi ulur dot me shumë se 50 apo 60 metra. Kishte gjëra të cuditeshme aty brenda. Një erë e fortë që të shponte hundët..një situatë mjaft misterioze”, vazhdon ai. Babhair pretendon se pusi është miliona vjecar. Shumë prej vendasve jo vetëm nuk e vizitojnë, por përpiqen as të mos flasin për të, të bindur se oguri i keq që sjell ky pus mund të kërcënojë vetë jetën në Tokë. Sa për fatin e keq, jemenitëve ai nuk u ka munguar. Vendi është përfshirë që prej 2014-tës në një luftë të përgjakshme civile mes qeverisë dhe rebelëve Huthi, dhe sot vuan prej njërës prej krizave më të rënda humanitare në botë.