Anëtarët e një familjeje palestineze qëndrojnë pranë zotërimeve të tyre teksa buldozerët e ushtrisë izraelite shkatërrojnë shtëpinë e tyre të vendosur në të ashtuquajturën “Zona C” ku Izraeli nuk lejon ndërtime e planifikime pa lejen e tij, në zonën e pushtuar të Bregut Perëndimor Halhoull, në veri të Hebron. Bulldozerët izraelitë vazhdimisht kanë shkatërruar shtëpi e struktura banimi në komunitetet beduine të Hebron, me pretekstin e “mungesës së lejeve të ndërtimit”. Zona C strehon aktualisht 300,000 palestinezë, duke përfshirë komunitete barinjsh e beduinësh, disa prej të cilave jetojnë në tenda, rulota apo banesa të improvizuara. Sipas akordit të 1995 në Oslo mes Izraelit dhe Autoritetit Palestinez, Bregu Perëndimor dhe Jeruzalemi lindor janë ndarë në tre zona, A, B, e C. Ligji ndërkombëtar i konsideron Bregun Perëndimor dhe Jeruzalemin Lindor si territore të pushtuara, dhe të gjitha kolonitë e reja izraelite te banimit, si të jashtëligjshme.