Përkundër një propozimi amerikan për t’i dhënë fund luftës në Gaza, Kryeministri i Izraelit, Benjamin Netanyahu është shprehur se nuk do të ketë armëpushim të përhershëm në Rripin e Gazës, pa u shkatërruar kapacitetet qeverisëse dhe ushtarake të Hamasit. Deklarata e tij bie ndesh me propozimin e paraqitur nga presidenti amerikan Xho Bajden, i cili e cilësoi propozim të Izraelit një marrëveshje me tre faza, që i jepte fund luftës, në , në këmbim të lirimit të pengjeve izraelite nga Hamasi. “Kushtet e Izraelit për t’i dhënë fund luftës nuk kanë ndryshuar: shkatërrimi i kapaciteteve qeverisëse dhe ushtarake të Hamasit, lirimi i të gjitha pengjeve dhe garancia se Gaza nuk përbën kurrë më kërcënim për Izraelin”, tha Netanyahu. Kryeministri izraelit shtoi se do të vazhdojë të ngulë këmbë “që këto kushte të plotësohet, para se të zbatohet armëpushimi i përhershëm”. Faza e parë e marrëveshjes së propozuar nga zoti Biden do të zgjaste 6 javë dhe do të përfshinte “armëpushim të plotë”, tërheqjen e forcave izraelite nga të gjitha zonat e populluara të Gazës, lirimin e një numri të personave që po mbahen peng, përfshirë, gra, të moshuar dhe të plagosur, në këmbim të lirimit të qindra palestinezëve të burgosur. Faza e dytë do të përfshinte lirimin e të gjitha pengjeve të mbetur gjallë, përfshirë ushtarët dhe forcat izraelite do të tërhiqen nga Gaza. Faza e tretë parashikonte fillimin e rindërtimit të Gazës. Por arritja e kësaj marrëveshje, duket të jetë ende larg. Pamjet: AFP