Presidenti amerikan Joe Biden zhvilloi të hënën një bisedë telefonike me kryeministrin izraelit, Benjamin Netanyahu, të cilit i kërkoi një armëpushim të përkohshëm në luftën që po zhvillon me Hamasin, për t’I ardhur në ndihmë palestinezëve që ndodhen ende në Gaza. Por kërkesa e bërë prej tij për një pauz humanitare nuk u pranua nga kryeministri I Izraelit. Zëdhënës i Këshillit për Siguri Kombëtare i SHBA-së, John Kirby, tha se SHBA-ja “do të vazhdojë të avokojë për pauzë të përkohshme dhe të lokalizuar të luftimeve”. Numri i palestinezëve të vrarë nga luftimet deri më tani ka tejkaluar shifrën prej 10.000 personash. Sipas ministrisë së shëndetësisë të Gazës, mbi 4.100 viktima janë fëmijë. Por pavarësisht numrit të lartë të viktimave, Shba sipas John Kirbyt nuk do ta ndërpresë ndihmën për izraelin. Ai insistoi se “asnjë shtet” nuk do të toleronte sulmin e Hamasit, ku mbetën të vrarë mbi 1400 izraelitë. Izraeli është zotuar se do të shkatërrojë grupin terrorist të Hamasit dhe se nuk do të tërhiqet nga sulmi. Pamjet: AFP