Edhe pse të dielën kryeministri izraelit Benjamin Netanyahu refuzoi propozimin e Hamas për armëpushim, një tjetër plan është hedhur në tavolinë. Kësaj here është Izraeli ai që ka kërkuar një pauzë të luftimeve për një periudhë dy mujore me qëllim lirimin e të gjithë pengjeve që po mbahen në Gaza nga grupi militant, raporton websajti amerikan Axios, që I referohet deklaratave të bëra nga dy zyrtarë izraelitë, emrat e të cilëve janë mbajtur anonim. Negociatat po ndërmjetësohen nga Egjipti dhe Katari, ndërsa pjesë është bërë dhe SHBA. Të dielën Këshilltari i Presidentit Biden, Brett McGurk u ndal në Kairo për t’u bërë pjesë e këtyre diskutimeve. Udhëtim të cilin më pas ai do e mbyll në shtetin e Katarit, që prej kohësh po negocion për të kapërcyer pengesat mes Izraelit dhe Hamas me qëllim ndaljen e luftimeve në Gaza. Dhjetë ditë më parë, sipas këtij ëebsajti amerikan, kabineti izraelit miratoi propozimin e ri duke përfshirë të gjitha detajet, që do të sillnin lirimin e pengjeve të mbetur gjallë. Të parët që janë planifikuar të lirohen janë gratë dhe burrat mbi 60-vjeç bashkë me ata që janë në gjendje të rënduar shëndetësore, e më pas pjesa tjetër. Këto faza mund t’I lënë hapësirë një armëpushimi 60 ditor. Por çdo gjë tashmë do të varet nga Hamas, nëse do të bie dakord me këtë propozim apo jo, që përfshin dhe rikthimin gradual të civilëve pakistanezë në Gaza. Ndërkohë nuk do të pranohet lirimi I 6000 të burgosurve palestinezë nga burgjet izraelite. Për këtë plan reagoi edhe zëdhënësi I sigurisë Kombëtare të shtëpisë së bardhë John Kirby, I cili tha se shba mbështet çdo nismë që do të sillte pauzën e luftimeve në Gaza. Pamjet: AFP