Prokurori i Përgjithshëm i Izraelit Gali Baharav-Miara ka urdhëruar nisjen e një hetimi ndaj gruas së kryeministrit Benjamin Netanyahu me dyshimin se ka frikësuar kundërshtarët politikë dhe një dëshmitar në gjyqin për korrupsion të liderit izraelit. Në një seri mesazhesh në ËhatsApp, duket se ajo udhëzonte ish ndihëmsen e të shoqit, Hanni Bleiëeiss e cila vdiq nga kanceri një vit më parë, që të organizonte protesta kundër kundërshtarëve politikë dhe të frikësonte Hadas Klein, një dëshmitare kyçe në gjyq – edhe pse në njoftim nuk përmendet emri i saj. Sipas mediave të huaja, mesazhet tregonin se Sara Netanyahu, nëpërmjet Bleiëeiss, inkurajoi policinë të godiste me dhunë protestuesit antiqeveritarë, dhe i kishte kërkuar po ashtu që të detyronte aktivistët në partinë Likud të Netanyahut të publikonin sulme ndaj Klein. Klein është ndihmëse e manjatit miliarder të Hollivudit Arnon Milchan dhe ka dëshmuar në rastin e korrupsionit për rolin e saj në dërgimin e dhjetëra mijëra dollarëve shampanjë, puro dhe dhurata për Netanyahun. Bleiëeiss kishte qenë ndihmëse besnike e Netanyahut për dekada të tëra. Por gjatë kohës që ajo ishte sëmurë, thuhet se Sara Netanyahu e ka keqtrajtuar e poshtëruar, dhe tani familja e saj po kërkon dëmshpërblim. Sara Netanyahu është akuzuar edhe më parë për sjellje abuzive ndaj stafit të vet personal.