Izraeli nuk i ka përfillur thirrjet e fundit të Presidentit amerikan Donald Trump për një armëpushim në Gaza, por po intensifikon veprimet ushtarake e në këtë pikë ka shtuar thirrjet për evakuimin e banorëve nga veriu i vendit. Njerëzve në lagjet përgjatë qytetit të Gazës dhe Jabalias u është thënë të lëvizin në jug drejt zonës bregdetare të al-Maëasi, ndërsa operacionet ushtarake izraelite "intensifikohen dhe zgjerohen drejt perëndimit". Të paktën 86 persona u vranë si pasojë e sulmeve izraelite të dielën, mes tyre 3 fëmijë në një prej të ashtuquajturave zona të sigurita. Mjekët dhe banorët i thanë Reutersit se bombardimet po shtohen në Gaza në një kohë që po zhvillohen edhe negociatat për armëpushim të ri dhe një marrëveshje për lirimin e pengjeve në Gaza. Trump shpreson që një armëpushim në Gaza të arrihet këtë javë, në mesin e një bllokade të shpërndarjes së ndihmave dhe ushqimeve për popullsinë e Gazës. Ka pasur incidente të përsëritura dhe vrasje të palestinezëve që kërkojnë ndihmë. Që nga nisja e konfliktit në vitin 2023 mbi 56 mijë njerëz janë vrarë në Gaza, sipas minsitrisë së brendshme të drejtuar nga Hamasi.