Dy sulme ajrore izraelite goditën qendrën e Bejrutit të enjten në mbrëmje. Për pasojë, një ndërtesë u shkatërruar tërësisht, Lagjja e sipërme Basta ku u godit ndërtesa shumëkatëshe është një lagje me popullsi të dendur ku qindra njerëz kanë ikur pas sulmeve intensive izraelite në Bejrutin jugor dhe pjesë të tjera të Libanit në javët e fundit. Kur u pyet për koment, IDF tha se po shqyrtonte raportet. Numri i të vdekurve nga zyrtarët libanezë është 11, ndërsa numri i të plagosurve është 48. efekt Nga ana tjetër, Izraeli vijoi bombardimet sot edhe drejt Gazës. Të paktën 28 persona janë vrarë në një sulm ajror izraelit në një shkollë ku strehohen familjet e zhvendosura në qytetin qendror të Gazës, Deir al-Balah. Në muajt e fundit, ushtria izraelite ka kryer shumë sulme në shkollat e kthyera në strehimore, duke thënë se ato po përdoren nga Hamasi si qendra komandimi dhe kontrolli.