Ministri izraelit i Financave, Bezalel Smotrich, ka deklaruar se Rripi i Gazës është një "minierë ari e pasurive të patundshme" dhe se qeveria e tij është në bisedime me amerikanët se si ta ndajë atë pas luftës. Planet e Tel Avivit i kundërshtoi edhe kryeministrja italiane, Meloni e cila tha se "Reagimi i Izraelit është padyshim joproporcional dhe që situata vetëm mund të përkeqësohet me pushtimin e Qytetit të Gazës”. Ajo tha se italia nuk mund të pajtohet kurrë me një zgjedhje. Të mërkurën Komisioni Evropian propozoi pezullimin e marrëveshjeve të tregtisë së lirë për mallrat izraelite për shkak të luftës në Gazë, edhe pse masa aktualisht nuk ka mbështetje të mjaftueshme midis vendeve anëtare të Bashkimit Evropian për t'u miratuar. Shefja e Politikës së Jashtme të BE-së, Kaja Kallas, propozoi gjithashtu një paketë sanksionesh ndaj dy ministrave izraelitë, si dhe kolonëve të dhunshëm dhe anëtarëve të Hamasit. Kryeministri izraelit, Benjamin Netanyahu, pranoi një ditë më parë se Izraeli përballet me një izolim si pasojë e luftës në Rripin e Gazës, por u zotua se nuk do t’i japë fund luftës pa kthimin e të gjithë pengjeve izraelite që mbahen nga Hamasi.