Irani nisi mbrëmjen e kësaj të marte sulmin e dhjetë me raketa në drejtim të Tel Avivit, ndërsa konflikti mes Izraelit dhe Iranit po hyn në një fazë alarmante për rajonin dhe komunitetin ndërkombëtar. Izraeli ka goditur objektiva kyçe në Teheran, duke vrarë gjeneralin Ali Shadmani, një nga figurat më të afërta ushtarake me udhëheqësin suprem iranian Ali Khamenei, i cili kishte vetëm 4 ditë që ishte emëruar. Në përgjigje, Irani lëshoi një raketë të re ndaj Izraelit dhe deklaroi se ka goditur selitë e Mossad-it. Zëdhënësi i Ministrisë iraniane të Mbrojtjes, konfirmoi përdorimin për herë të parë të një rakete të re ndaj Izraelit: “Regjimi sionist as nuk e kuptoi që raketa ishte lëshuar.” Ndërkohë, Garda Revolucionare deklaroi se ka goditur selitë e inteligjencës ushtarake dhe të jashtme izraelite, përfshirë ndërtesën e Mossad në Tel Aviv. Nga përplasjet e vazhdueshme ën Iran janë shënuar 224 viktima dhe mbi 1800 të plagosur, ndërsa në Izrael 24 të vdekur dhe mbi 500 të plagosur.